Ռուսաստանում Հանթեր Բայդենի գործի վերաբերյալ ենթադրյալ կեղծ տեղեկությունների մասին ապատեղեկատվության մեղադրանքները շրջվել են Արևմուտքի դեմ։ ՏԱՍՍ-ի փոխանցմամբ այս կարծիքն է հայտնել Ռուսաստանի նախագահի՝ արտասահմանյան երկրների հետ ներդրումային և տնտեսական համագործակցության հարցերով հատուկ ներկայացուցիչ, Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը։
«Ռուսաստանի ենթադրյալ ապատեղեկատվության մասին կեղծիքները բացահայտվել են։ Հանթեր Բայդենի՝ «դժոխքից եկած նոութբուքի» պատմությունը կոծկել փորձած գործակալներին մեղադրանք է առաջադրվել։ «Ռուսական ապատեղեկատվության» մասին դավադրապաշտական տեսությունը շրջվել է հենց իրենց դեմ»,- գրել է Դմիտրիևը X սոցիալական ցանցում՝ մեկնաբանելով ԱՄՆ-ում ՀԴԲ երկու աշխատակցի ձերբակալության մասին լուրը։ Նրանք մեղադրվում են ԱՄՆ Կոնգրեսին նոութբուքի գործով կեղծ ցուցմունքներ տալու մեջ։
Ենթադրաբար, Հանթեր Բայդենի նոութբուքը ժամանակին նրա կողմից հանձնվել է Դելավեր նահանգի արհեստանոցներից մեկին, սակայն նա այն այնտեղ է թողել։ Սարքում պարունակվել են նրան վարկաբեկող տեղեկություններ։
2020 թվականի աշնանը այդ տեղեկությունները հրապարակվել են՝ ԱՄՆ-ում քաղաքական սկանդալ առաջացնելով։ Սկզբում ամերիկյան կողմում նոութբուքի վերաբերյալ տվյալները սխալմամբ ներկայացվել են որպես Ռուսաստանի ապատեղեկատվություն։ Սակայն հետագայում պարզվել է, որ այդ տեղեկությունները համապատասխանում էին իրականությանը։
