«Բազմաթիվ անգամներ անդրադարձել ենք լիազորագրեր տալու անհնարինությանը։ Ադրբեջանը զրկում է մեր հայ պատանդներին իրենց իրավունքների պաշտպանության կազմակերպման նպատակով միջազգային և Հայաստանի իրավաբաններին լիազորագրեր տալու հնարավորությունից։ Երբ մենք հրապարակային խոսեցինք այս սահմանափակման մասին, ինչպես գիտեք, Ադրբեջանի օմբուդսմենը, իբր, պատասխանեց՝ նշելով, որ պարոն Արայիկ Հարությունյանը հնարավորություն է ունեցել նոտարական կարգով լիազորագիր տալու։ Սակայն լռեցին այն մասին, թե ինչի վերաբերյալ էր այդ լիազորագիրը։ Նշեմ, որ այն չի առնչվում իրավական վեճերին և իրավունքների պաշտպանությանը։ Մնացյալ դեպքերում Ռուբեն Վարդանյանը ևս փորձել է լիազորագիր ստանալ այնպիսի իրավական գործընթացի առնչությամբ, որը կապված չէ Ադրբեջանի հետ և չի վերաբերում Ադրբեջանի դեմ դատական հայց ներկայացնելուն։ Այսինքն՝ եթե Հայաստանի Հանրապետությունում նրանք իրենց ընտանիքների հետ ունեն քաղաքացիաիրավական կամ այլ բնույթի հարաբերություններ, որոնց կարգավորման համար անհրաժեշտ է լիազորագիր, նրանց զրկել են նաև նմանատիպ՝ անվնաս և անվտանգ լիազորագրեր տալու հնարավորությունից։ Առնվազն Ռուբեն Վարդանյանի պարագայում այս հարցը դարձել է նաև ներպետական դատական գործընթացների առարկա՝ թե՛ ընթացող քրեական գործի շրջանակներում, թե՛ հատուկ այդ նպատակով ներկայացված նոր դատական հայցերի շրջանակներում»,- այս մասին «Վերադարձ հայ գերիների» միջազգային համաժողովում ասաց ՄԻԵԴ-ում հայ գերիների շահերի ներկայացուցիչ Սիրանուշ Սահակյանը:
Մանրամասն՝ տեսանյութում։
