ՆԱՏՕ-ում և Եվրոմիությունում գիտեն Կալինինգրադի մարզը մեկուսացնելու ցանկացած հնարավոր փորձի հետևանքների մասին, հայտարարել է Ռուսաստանի ԱԳ փոխնախարար Ալեքսանդր Գրուշկոն։
«Մեր դիրքորոշումը քաջ հայտնի է։ Համապատասխան ազդակները փոխանցվել են ՆԱՏՕ-ին և Եվրամիությանը։ Նրանք պատկերացնում են, թե ինչ հետևանքներ կարող են ունենալ Կալինինգրադի մարզը մեկուսացնելու և նրա կենսապահովման համակարգի բնականոն գործունեությունը խաթարելու ցանկացած փորձ», — ասել է նա։
Ավելի վաղ ՆԱՏՕ-ի գլխավոր քարտուղար Մարկ Ռյուտեն հայտնել էր, որ դաշինքը Ռուսաստանից նախազգուշացում է ստացել, որ Կալինինգրադի մարզի շրջափակման փորձերի դեպքում Մոսկվան պատրաստ է օգտագործել իր ողջ զինանոցը, այդ թվում՝ միջուկային զենքը։ Ինչպես նշել է ռազմական դաշինքի ղեկավարը, ռուսական նամակին ի պատասխան՝ ՆԱՏՕ-ն իրեն անվանել է «պաշտպանական դաշինք»։
