Հորմուզի նեղուցով նավագնացության խափանումները կարող են էներգետիկ ճգնաժամից վերածվել համաշխարհային պարենային ճգնաժամի՝ պարարտանյութերի մատակարարման կրճատման պատճառով։ Այս մասին հաղորդում է Wall Street Journal-ը՝ հղում անելով Միջազգային առևտրի պալատի (ICC) գլխավոր քարտուղար Ջոն Դենտոնի հայտարարությանը։
«Մերձավոր Արևելքում կենսականորեն կարևոր նավագնացության ուղու խափանումները հանգեցրել են էներգետիկ ցնցման։ Այժմ համաշխարհային պարենային անվտանգության ճգնաժամ է հասունանում», — նշում է հրատարակությունը։
Թերթը բացատրում է, որ աշխարհի պարարտանյութերի մատակարարման մոտ մեկ երրորդը անցնում է Հորմուզի նեղուցով։ Դենտոնի խոսքով՝ խափանումները գրեթե 40%-ով կրճատել են առկա արտադրությունն ու մատակարարման հզորությունները, ինչի հետևանքով համաշխարհային շուկան մնացել է մոտ 2.7 միլիոն տոննա պարարտանյութի պակասով։
Գլխավոր քարտուղարը կանխատեսում է, որ նեղուցի բացման գործում առաջընթացի բացակայության դեպքում հացահատիկի գները կարող են աճել մինչև 80%։ Զարգացող տնտեսությունները, որոնք մեծապես կախված են ներմուծումից, հատկապես խոցելի կլինեն։ Օրինակ՝ Ֆիլիպինները ներմուծում են իր պարարտանյութերի մոտ 90%-ը։
