Իրանն ու Օմանը համաձայնության են եկել Հորմուզի նեղուցով նավերի անցման երթուղու աշխարհագրական կոորդինատների շուրջ։

Մի շարք հարցերի շուրջ բանակցությունները շարունակվում են։ Այդ մասին հայտնել է Իրանի արտաքին գործերի նախարարության ներկայացուցիչ Էսմայիլ Բաղային, փոխանցում է Press TV-ն։

Նրա խոսքով՝ կողմերը համաձայնեցրել են նոր երթուղու պարամետրերը, որը պետք է օգտագործվի նեղուցով նավերի երթևեկության համար։ Միևնույն ժամանակ, ձեռք բերված համաձայնությունը չի նշանակում, որ նեղուցն ավտոմատ կերպով բացվում է նավագնացության համար։

Բաղային նշել է, որ Հորմուզի նեղուցում հետագա իրավիճակը կախված կլինի ԱՄՆ-ի գործողություններից։