«Ես կարծում եմ՝ Նիկոլ Փաշինյանի մանևրելու ժամանակահատվածն ավարտվել է։ Նախորդ տարիներին ի՞նչ է արել. գնացել է Վաշինգտոն՝ մի բան է ասել, Բրյուսել՝ մեկ այլ բան, Մոսկվա՝ լրիվ ուրիշ բան, Ադրբեջանի, Թուրքիայի հետ մեկ այլ պայմանավորվածություն է ունեցել։
Հիմա եկել է մի ժամանակ, երբ բոլորը ասում են՝ կողմնորոշվի՛ր։ Ես չեմ կարծում, որ կկարողանան այս անգամ էլ մանևրել, որովհետև Նիկոլ Փաշինյանն իր վարած քաղաքականության արդյունքում մեր երկիրը կանգնեցրել է ծանր երկընտրանքի առջև։ Ինքն իր վարած քաղաքականության արդյունքում այլևս բացառում է «և՛-և՛»-ի քաղաքականությունը, դրա համար էլ հիմա շատ հստակ դեմ են տվել՝ կա՛մ-կա՛մ։
Սա Հայաստանի համար ունենալու է և՛ անվտանգային, և՛ տնտեսական ծանր հետևանքներ»,- այս մասին այսօր՝ սեպտեմբերի 16-ին, հայտարարեց ԱԺ «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
