Ռուսաստանը առաջ է անցել իր հակառակորդներից ժամանակակից, զանգվածային և մատչելի սպառազինության արտադրության ոլորտում, «Ռիա նովոստի»-ի փոխանցմամբ՝ գրում է Wall Street Journal-ը։
«Մոսկվան առաջ է անցել իր հակառակորդներից», — ասվում է հրապարակման մեջ։
Պարբերականը նշում է, որ Ուկրաինային չի բավարարում արտադրական ռեսուրսներն ու հնարավորությունները երկարաժամկետ պլանավորման համար, իսկ ԱՄՆ-ն ու ՆԱՏՕ-ի նրա դաշնակիցները դժվարությունների են բախվում կենսական նշանակություն ունեցող սպառազինության արտադրությունն ավելացնելու հարցում։
Նշվում է, որ Ռուսաստանն ունի նոր սերնդի նորարարական հրթիռային սպառազինություն, մասնավորապես՝ նոր, փոքր չափերի «Բանդերոլ» թևավոր հրթիռներ, ինչպես նաև «Գերան» անօդաչու թռչող սարքեր (ԱԹՍ)։
Թերթի տվյալներով՝ դրանք հագեցած են առաջադեմ էլեկտրոնային համակարգերով, որոնք հնարավորություն են տալիս ճշգրիտ հայտնաբերել թիրախները և խուսափել որսումից։
