Ադրբեջանի ԱԳ փոխնախարար Էլնուր Մամեդովը  հանդիպում է ունեցել ՀՀ-ում ԱՄՆ գործերի ժամանակավոր հավատարմատար Դեյվիդ Ալենի հետ։ Հայտնում են Ադրբեջանի ԱԳՆ-ից։

Հաղորդվում է, թե կողմերը քննարկել են հայ-ադրբեջանական հարաբերությունների կարգավորմանը, խաղաղ գործընթացի առաջմղմանը, երկարաժամկետ և կայուն խաղաղության ապահովմանը, ինչպես նաև տարածաշրջանում կայունության և անվտանգության ամրապնդմանն առնչվող հարցեր, մտքեր են փոխանակել «Միջազգային խաղաղության և բարգավաճման Թրամփի երթուղու» (TRIPP) իրականացման, ինչպես նաև երթուղու երկայնքով ենթակառուցվածքների կառուցումը ղեկավարող կառավարման ընկերության ստեղծման շուրջ։