ՀՀ վարչապետ Նիկոլ Փաշինյանի հայտարարությունները, որ ԵՄ-ին Հայաստանի անդամակցության վերաբերյալ հանրաքվեն կարող է լինել միայն այն բանից հետո, երբ երկիրը ներկայացնի դիմում և պատրաստի «ճանապարհային քարտեզ», ցույց են տալիս նրա «ոչ այնքան բարձր վստահությունը» սեփական ժողովրդի նկատմամբ։ Այս մասին նշել է Ռուսաստանի արտաքին գործերի նախարար Սերգեյ Լավրովը РБК հեռուստաալիքին տված հարցազրույցում։
«Միայն մյուս օրը կարդացի լրատվամիջոցներում հաղորդագրություն, որ Նիկոլ Փաշինյանը հայտարարել է, որ հանրաքվեն կարող է քննարկվել միայն այն բանից հետո, երբ նրանք դիմում ներկայացնեն ԵՄ-ին, պատասխան լինի և անդամակցության «ճանապարհային քարտեզ» պատրաստ լինի»,-ասել է ՌԴ ԱԳ նախարարը։
«Իմ կարծիքով, սա չի խոսում հայ ընտրողների կամ հայ ժողովրդի նկատմամբ մեծ վստահության մասին», — նշել է Լավրովը։
«Անհրաժեշտ է արդար ընտրություն. ինչի՞ միջև եք ընտրում, ինչպե՞ս եք ապրում հիմա, երբ առևտրաշրջանառությունը վերջին երեք տարիների ընթացքում գերազանցել է վեց միլիարդը, իսկ մեկ տարում՝ 12 միլիարդը։ Ընդհանուր առմամբ, Հայաստանը զարգացել է ԵԱՏՄ-ի շնորհիվ»։
