Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը. «Ես ինքս ինձ պատրաստում եմ Տիգրանաշենը հնարավորություններիս չափով պահպանելուն, պաշտպանությանն օգնելուն:
Հնարավորություններս մեծ չեն, բայց կապերի առումով ավելի մեծ են, քան Կիրանցի ժամանակ:
Ինչու եմ սա ասում.
Երբ տեսնում եմ, որ տիգրանաշենցին նիկոլաադրբեջանական պրոպագանդայի ազդեցության տակ ասում է՝ Տիգրանաշենը անկլավ է, մերը չէ ու այլ անհեթեթություններ, ինձ հետ տեղի է ունենում հետևյալը
— Ոգիս թուլանում է, փոքր-ինչ թևաթափ եմ լինում, երևի ուղեղումս նվազում է դոպամինը
— Հետո ուղեղումս նեյրոնները ձև են գտնում հուշելու, որ դա էական չէ, էականն այն է, որ Տիգրանաշենը նաև իմ սեփականությունն է և Տիգրանաշենը վերցնելով՝ Ադրբեջանը կախվելու է Երևանի վրա
— Հետո ուղեղումս բացվում են այն դարակները, որտեղ գրված է՝ թե ինչպես են ութ տարվա մեջ նիկոլաադրբեջանական պրոպագանդան բերել, մտցրել հայերի ուղեղը, գերեվարել են նրանց գլուխները
— Հետո նաև ստիպված եմ շրջապատումս ոմանց համոզել, որ դա մեկ օրինակ է և հնարավոր չէ, որ Տիգրանաշենում բոլորն այդպես մտածեն
— Հետո սկսում եմ համոզել, որ անկախ նրանից, թե ով ինչ է մտածում, այդ տարածքը նաև իրանն է, որ նրան էլ հանեմ թևաթափությունից
Իսկ ինչի համար եմ սա ասում.
Սիրելի նորմալ լրատվամիջոցներ, առանց այն էլ էներգիան շատ չէ, ոգին՝ նվազ
Խնդրում եմ մի տարածեք նիկոլաադրբեջանական պրոպագանդան՝ նրանց քարոզի գերության տակ գտնվող մարդկանց նկարելով
Վերադառնանք 2018թվից առաջ, երբ տաբու էր ադրբեջանական պրոպագանդան հայկական լրատվամիջոցներում տարածելը, անկախ նրանից, որ ՀՀ ԱԺ-ն օկուպացված է այդ պրոպագանդիստներով
Եվ արժանի մարդկանց ցուցադրելով՝ վստահ եղեք, որ ավելի շատերն են ուզելու նրանց նմանվել, իսկ մեր էներգիան ավելանա:
Ոչ թե պակասեցրեք, այլ ավելացրեք մեր դոպամինը»:
