«Սա պարզ և սովորական ճանապարհ չէ, ոնց որ, ասենք, Սևան-Երևան մայրուղին կամ Հյուսիս-հարավը, ակնհայտ է, որ այստեղ պրոբլեմ կա։ Սա մի ճանապարհ է, որտեղ Հայաստանի ինքնիշխանությունն ունի սահմանափակումներ, մի ճանապարհ է, որը պարզ ավտոմոբիլային ճանապարհ չի, այստեղով անցնելու են տարբեր ենթակառուցվածքներ, որը ղեկավարվելու է հայ-ամերիկյան ընկերության կողմից, որի բաժնետոմսերի մեծ մասն Ամերիկայի ձեռքում է»,- այս մասին ԱԺ-ում լրագրողների հետ զրույցում ասել է «Հայաստան» խմբակցության պատգամավոր Իշխան Սաղաթելյանը՝ հայտարարելով, որ երբ փաստաթուղթն արդեն խորհրդարան բերվի, ավելի մանրամասն կքննարկվի։
