Թուրքիան, Սաուդյան Արաբիան ու Պակիստանը կնքել են համատեղ պաշտպանության համաձայնագիր։ Երեքից որեւէ մեկի վրա հաձակումը դիտարկվելու է հարձակում երեքի վրա։ Այս մասին գրել է քաղաքական մեկնաբան Հակոբ Բադալյանը։
«Սա էական զարգացում է, որը վերաբերելի է թերևս ոչ միայն Ծոցի ռեգիոնին կամ Մերձավոր Արեւելքին, այլ կարող է ունենալ ավելի լայն ընդգրկում։ Մեծ հաշվով, այս եռանկյունին իհարկե կարող է անհանգստացնել Իսրայելին, եթե իհարկե դառնա իսկապես պաշտպանական միավոր, այլ չմնա թղթի վրա։ Մյուս կողմից, հատկանշական է, որ եռանկյունու «մեջտեղում» Իրանն է, որը աջակցում է հութիներին, որոնք էլ իրենց հերթին ներկայումս թիրախավորում են Սաուդյան Արաբիան։
Չի բացառվում, որ համատեղ պաշտպանության եռյակի ձեւավորումը յուրօրինակ արձագանք է Իրանին, որն առաջարկում է ստեղծել ռեգիոնալ ֆորմատներ՝ անվտանգության հարցերը քննարկելու համար։
Բոլոր պարագաներում, երեքի միջև կնքված համաձայնությունը թերևս հերթական վկայությունն է, որ Մերձավոր Արևելքում ավելի բարձր է ռազմական կոնֆլիկտի, քան խաղաղության սպասումը»,-գրել է նա։
