Ընդդիմության կողմից առաջադրվող նախագահի տեղակալի, մշտական հանձնաժողովների նախագահների, այնուհետև փոխնախագահների այդ կառուցակարգերի իրացումը ոչ թե դասական իմաստով քաղաքական քննարկում, բանավեճ և այլն է ենթադրում, այլ այս դեպքում նաև պարտականություն։ Այս մասին այսօր՝ օգոստոսի 4-ին, լրագրողների հետ զրույցում նշեց ԱԺ «Ուժեղ Հայաստան» խմբակցության պատգամավոր Արամ Վարդևանյանը։
«Ընդհանրապես՝ արդյոք նիստը վարելու նշված լիազորությունն իրացվելու է, թե ոչ, դա էլ, կարելի է ասել, քաղաքական հարմարավետությունից է պայմանավորված։ Որովհետև ինքնին Ազգային ժողովի նախագահի տեղակալի պաշտոնը զբաղեցնելը միանշանակ չի նշանակում, որ դա ենթադրում է նիստերի վարում։
Առնվազն պատկերացնում եմ, թե ինչ լիազորություններ է նշված կարգավիճակը ենթադրում, բայց մյուս կողմից նաև դժվարություններն եմ պատկերացնում։ Խմբակցության կողմից նշված որոշումն է կայացվել։ Ի սկզբանե, երբ ընտրության արդյունքների վիճարկման գործընթացներ և այլն կային, կհիշեք՝ ես մշտապես ընդգծում էի, որ թիմի կողմից կայացված որոշումները ես հարգելու եմ։ Սա ևս թիմի որոշումն է եղել»,- նշեց նա։
Մանրամասն՝ տեսանյութում։
