Վստահ եմ՝ ձեր այս որոշումն ի վերջո հանգեցնելու է դատավորի կարգապահական պատասխանատվության ամենախիստ ձևին։ Այս մասին այսօր՝ հուլիսի 23-ին, դատական նիստի ընթացքում հայտարարեց փաստաբան Արամ Վարդևանյանը՝ դիմելով դատավոր Կարեն Ֆարխոյանին։
«Սրանում համոզված եմ։ Անկեղծ եմ ասում՝ սա ցավով եմ ասում, որովհետև չէի ցանկանա, որ այդ որոշումը կայացնողը հենց դուք լինեիք, և դրա պատճառահետևանքային կապը հանգեցներ ձեր լիազորությունների դադարեցմանը։
Մի բան հաշվի առեք. օգոստոսի 1-ին նրան վերջնահաշվարկ են տալու։ Հասկանում եք, որ այստեղ որևէ «անընդհատություն» չի կարող գոյություն ունենալ։ Ազգային ժողովի պատգամավորների դեպքում նման բան բնության մեջ պարզապես չի կարող լինել։ Ի ծնե, ի բնե չի կարող։
Դուք փաստացի հենց այսօր արձանագրեցիք, որ Արթուր Սարգսյանը ձեռք է բերել իններորդ գումարման Ազգային ժողովի պատգամավորի կարգավիճակ։ Դուք արձանագրեցիք Սահմանադրական դատարանի որոշման պահանջը, սակայն դրա իրավական հետևանքը չապահովեցիք»,- նշեց նա։
Մանրամասն՝ տեսանյութում։
