«Մեր կողմից քայլեր են ձեռնարկվում, որպեսզի օր առաջ բացվեն սահմանները տնտեսվարողների համար, որովհետև ինքներդ եք տեսնում, որ արդեն ձկնաբուծարանները հսկայական խնդիրների առաջ են կանգնած:

Լոլիկի գինը սուպերմարկետներում օրեր են լինում՝ իջնում են մինչև 90 դրամ։ Դա նշանակում է, որ առնվազն 70 դրամով է սուպերմարկետը վերցնում, իսկ այդ ինքնարժեքի մեջ չի կարող տնտեսվարողը ուղղակի վնասով դուրս չի գալ: Պլյուս դրան՝ արդեն մնացած ոլորտները․ ծաղկի շուկայում արդեն բոլորս տեսնում ենք, թե ինչպիսի գնանկում է տեղի ունեցել և ինչպիսի վատ պայմաններ են։ Վերջերս մի ջերմատնային տնտեսություն, որը ծաղիկ էր աճեցնում և մոտ 50-60 000 դոլարի ծաղիկ ուներ, ուղղակի հանել, այրել էր այն:

Այս խնդիրների մեջ ինձ ամենաշատը նյարդայնացնում է իշխանությունների ցինիկ կեցվածքը, որ մի չորս կամ հինգ բեռնատար են հանել Լեհաստան և խոսում են եվրոպական շուկա գրավելու ու դիվերսիֆիկացիայի մասին։ Դիվերսիֆիկացիա անելու համար առնվազն ութ տարի բարձրաձայնվում է, որ մեր պտուղ-բանջարեղենն ունի որակի խնդիր, և պետք է պետական հստակ քաղաքականություն ու միջամտություն, որ այդ որակի խնդիրը չլինի: Պետք է հստակ քաղաքականություն, որ ցանկացած մթերքի արտադրության մեջ լինի հետագծելիություն, որպեսզի տնտեսվարող-արտահանողը փորձի ֆերմերից գնելիս հասկանալ՝ ինչ պարարտանյութեր, ինչ թունաքիմիկատներ և ինչ այլ նյութեր են օգտագործվել, և արդյոք դրանք համապատասխանում են եվրոպական չափանիշներին, թե ոչ»,- այս մասին այսօր՝ հուլիսի 22-ին, լրագրողների հետ զրույցում նշեց «Ուժեղ Հայաստան» կուսակցության անդամ Հարություն Մնացականյանը։

Մանրամասն՝ տեսանյութում։