«Թվով երկու ծրագիր կառավարությունն արդեն իրականացրել է։ Դրանք, մեր գնահատմամբ, անիրատեսական ծրագրեր են և ոլորտին որևէ դրական արդյունք չեն բերելու։ Այսպես ասած՝ փորձում են հանրությանը ցույց տալ, թե ոլորտի հետ կապված որևէ հարց լուծվել է։ Բայց, ժողովուրդ ջան, ոչ եվրոպական շուկա արտահանման կանոնակարգերը հաստատելով է ոլորտի հարցը լուծվում, ոչ էլ այդ արտահանման համար սուբսիդիա տրամադրելով։ Մենք ասել ենք և նորից ենք ասում՝ եվրոպական շուկան դեռևս մեզ համար անհասանելի է, իսկ այն ծավալները, որոնք այսօր գտնվում են տնտեսվարողների տնտեսություններում, միանգամից եվրոպական շուկայում իրացնելն անիրատեսական է։
Խոսքը մոտ 15 հազար տոննա կենդանի ձկան մասին է այս պահի դրությամբ, դրան գումարած՝ սառնարաններում առկա այն ապրանքը, որը Ռուսաստանի սահմանից հետ է վերադարձվել Հայաստան։ Մայիսի 15-ից սկսած արտահանումը փակվել է»,- այս մասին այսօր՝ հուլիսի 21-ին, լրագրողների հետ զրույցում նշեց կառավարության շենքի դիմաց բողոքի ակցիա իրականացնող ձկնաբույծներից մեկը։
Մանրամասն՝ տեսանյութում։
