ԱՄՆ-ն չի պատրաստվում ռազմական միջամտությամբ փոխել Իրանի իշխանությունը։ Այս մասին Reuters-ի փոխանցմամբ՝ հայտարարել է ԱՄՆ փոխնախագահ Ջեյմս Դեյվիդ Վենսը։
Նա նշել է, որ ԱՄՆ-ի հիմնական նպատակը Իրանի միջուկային ծրագրի չեզոքացումն է, այլ ոչ թե «ռեժիմի փոփոխությունը»։ Վենսի խոսքով՝ եթե Իրանի ժողովուրդը ցանկանա փոխել իր կառավարությունը, դա պետք է լինի հենց իրանցիների որոշումը, ոչ թե ԱՄՆ-ի ռազմական միջամտության արդյունքը։ Նա նաև ընդգծել է, որ ԱՄՆ-ն շահագրգռված չէ Իրանում ցամաքային զորքեր տեղակայելու հարցում։
«Եթե Իրանի ժողովուրդը ցանկանա ապստամբել և փոխել իր կառավարությունը՝ դա նրանց գործն է, սակայն մենք չենք պատրաստվում այնտեղ ուղարկել 150 հազար ցամաքային զինվորականների»,- ասել է նա։
