«Երևանի Արարատ կոնյակի-գինու-օղու կոմբինատ»-ի աշխատակիցներն այսօր բողոքի ակցիա են անցկացրել՝ պահանջելով վերաբացել արդեն մեկ շաբաթ փակ գործարանը։ Նրանք նշում են, որ անորոշության պատճառով չեն կարողանում ապահովել ընտանիքների եկամուտը և մարել վարկերը։
Ցուցարարների խոսքով՝ գործարանի փակման հետևանքով առանց աշխատանքի է մնացել շուրջ 1500 աշխատակից, և եթե իրավիճակը չլուծվի, պատրաստ են դիմել ավելի կոշտ քայլերի։
Նշենք, որ նույն պահանջով այս պահին ակցիա են անում «Փարավոն» համալիրի մոտ` «Փարավոն»-ի և «Մուլտի գրանդ»-ի աշխատակիցները, Ծաղկաձորի «Մուլտի ռեսթ»-ի և «Մուլտի ռեզորթ»-ի մոտ՝ նորաբաց հյուրանոցի ու ռեստորանի աշխատակիցները։
