Բացառում եմ 2013թ․ իրավիճակը, երբ Հայաստանը կհրաժարվի ԵՄ-ի հետ ասոցացման համաձայնագրի ստորագրման պայմանավորված գործընթացից և որոշեց ԵԱՏՄ գնալ։ Դա հնարավոր չի, առավել ևս հիմա, երբ ՀՀ ժողովուրդը հստակ աջակցություն է հայտնել այն քաղաքականությանը, որ վարում է ՀՀ-ն։ Այս մասին Երևանում Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ մամուլի ասուլիսին հայտարարեց Նիկոլ Փաշինյանը։
«Մյուս կողմից, մենք, ինչպես հայտարարել ենք, երբեք խնդիր չենք դրել, չունենք և չենք դնի Հայաստանի և Ռուսաստանի հարաբերությունների միջև ճգնաժամ ստեղծելու։ Մենք գործում ենք մեր երկրի շահերի շարջանակներում և, բնականաբար, մեր միջազգային ոչ մի գործընկերոջ շահերը չենք արհամարհում, բայց մյուս կողմից էլ որևէ այլ գործընկերոջ շահերը չենք կարող ավելի բարձր դասել, քան ՀՀ շահերը»,-ասաց Նիկոլ Փաշինյանը։
Ինչ վերաբերում է ՌԴ կառավարության ղեկավարի հետ երեկվա հեռախոսազրույցին, ապա Փաշինյանը հայտնեց, որ դա եղել է իր նախաձեռնությամբ։
