«Ընդհանրապես, այս պրակտիկայով կարևորագույն օրենսդրական նախաձեռնությունները բերվում են հապշտապ՝ առանց պատշաճ հանրային քննարկման, առանց բոլոր շահագրգիռ կողմերի կողմ կամ դեմ կարծիքները լսելու։ Սա ինձ շատ է հիշեցնում Նիկոլ Փաշինյանի՝ կառավարության 2025 թվականի կատարողականի հաշվետվության ժամանակ արած հայտարարությունը, երբ ասում էր․ «Մենք գնացել էինք ընտրությունների մի նախընտրական ծրագրով, ժողովուրդն այդ նախընտրական ծրագիրը մի կողմ դրեց և մեզ նոր նախընտրական ծրագիր կամ նոր հանձնարարականներ տվեց»։ Թե դա ինչպե՞ս եղավ, ոչ ոք չգիտի։ Հիմա նույնն է․ քննարկման ժամանակ, իբր, առաջացել է հանրային պահանջ։ Այդ հանրային պահանջն ո՞վ է որոշել, որ հանրային պահանջ է։ Այսինքն, եթե մի քանի հոգի պատրաստված հարցերով գալիս են և այդ գաղափարը սկսում են քննարկել՝ Օվերտոնի պատուհան բացելով, դա նշանակո՞ւմ է, որ կա հանրային պահանջ»,- այս մասին ԱԺ-ում ասաց «Հայաստան» խմբակցության պատգամավոր Արթուր Խաչատրյանը։
Մանրամասն՝ տեսանյութում։
