ՀՀ Սահմանադրական դատարանում մեկնարկել է հունիսի 7-ի խորհրդարանական ընտրությունների արդյունքները վիճարկող դիմումների քննությունը։
«Ունենք այնպիսի իրավիճակ, որ շուրջ 17 000 քվեարկություններ իրականացնում են գաղտնի ռեժիմում։ Ունենք շուրջ 80 000 այսպես կոչված չաշխատող անձնագիր. լավ, էդ չաշխատող անձնագրերը լինեին 100, լինեին 1000, լավ՝ լինեին 2000, բայց ինչի՞ են 80 000։ Կամ այդ գաղտնի ցուցակների նկատմամբ վերահսկողության ի՞նչ մեխանիզմներ կան. կրկնաքվեարկության բացառման մեխանիզմներ կա՞ն։
Անվավեր քվեաթերթիկների թիվը կազմել է 16 210-ը։ Ես կատարում եմ պնդում՝ այս ամենը բացառապես ապրիլի 7-ին ընտրական օրենսգրքում կատարված փոփոխության հետևանքն է։ Չկատարվեր այդ ընտրական օրենսգրքի փոփոխությունը, չէր լինի այս հետևանքը։ Թիվը առավել քան խոսում է, որովհետև մենք այս դատաքննության ընթացքում պարզելու ենք, որ նույնիսկ 100 ձայնը վճռորոշ նշանակություն կարող է ունենալ»,- իր ելույթում նշեց փաստաբան Արամ Վարդևանյանը։
Հիշեցնենք, որ ՍԴ դիմել էին ընտրությանը մասնակցող 18 քաղաքական ուժերից 7-ը՝ «Ուժեղ Հայաստան» և «Հայաստան» կուսակցությունների դաշինքները, «Բարգավաճ Հայաստան», «Միասնության թևեր», «Դեմոկրատիա Օրենք Կարգապահություն», «Հանուն Հանրապետության ժողովրդավարության պաշտպանների դաշինք» և «Նոր ուժ» կուսակցությունները։
Մանրամասն՝ տեսանյութում։
