ՀՀ վարչական դատարանում տեղի է ունենում դատական նիստ՝ Ռոբերտ Քոչարյանը՝ ընդդեմ ԿԸՀ-ի գործով։ ՀՀ երկրորդ նախագահը պահանջում է անվավեր ճանաչել իրեն անձեռնմխելիությունից զրկելու որոշումը:
Երրորդ կողմ է ներգրավվել Գլխավոր դատախազությունը:
Հիշեցնենք՝ երկրորդ նախագահի գրասենյակը հունիսի 14-ին հայտնել էր, որ Ռոբերտ Քոչարյանը երկու օրով բացակայելու է Հայաստանից։ Սակայն օդանավակայանում նրան արգելել էին դուրս գալ երկրից, չնայած որ Ռոբերտ Քոչարյանի նկատմամբ քրեական վարույթ չկար։
Օրեր անց հայտնի դարձավ, որ քրեական գործ է հարուցվել կառավարության՝ 2004թ․ որոշման վերաբերյալ, որի հետ նախագահ Քոչարյանն առնչություն չունի։
Դատախազությունը դիմել էր ԿԸՀ, որն էլ համաձայնություն էր տվել Ռոբերտ Քոչարյանին անձեռնմխելիությունից զրկելու և քրեական գործ հարուցելուն հավանություն տալու միջնորդությանը։
Ռոբերտ Քոչարյանն էլ դատի էր տվել ԿԸՀ-ին։
Նախագահ Քոչարյանի դիրքորոշումը հետևյալն է․ «Գործը ուղղակի աբսուրդային է և կապված է երևի իմ՝ Հայաստանից երեք օրով մեկնելու հետ: Ուղղակի շատ արագ, սենց, երկու օրում գործ են ստեղծել, որովհետև երեք օր առաջ լրատվամիջոցների հարցմամբ իմ վրա որևէ քրեական գործ չկար, հետո մեկ օր անց պարզվեց, որ այդպիսի գործ արդեն կա»:
Դատական նիստն առաջարկում ենք դիտել ուղիղ հեռարձակմամբ։
