«Ժողովուրդ» օրաթերթը հիշեցնում է ԿԳՄՍ նախարարության 2023 թվականի սեպտեմբերի 11-ի N1790-Ա/2 հրամանը, որը դարձել է հանրային քննարկման թեմա. նախարարությունը պարբերաբար հերքում է դպրոցների փակման մասին տեղեկությունները՝ դրանք որակելով ապատեղեկատվություն, մինչ ոլորտի մասնագետներն ու Ազգային կրթության խորհրդի ներկայացուցիչները մտահոգություններ են հայտնում ծրագրի հետևանքների վերաբերյալ։ Հրամանով կազմված ցանկում ներառված են 232 դպրոց՝ նախատեսված կրթական ցանցի վերակազմակերպման և կրթական պայմանների «բարելավման» գործընթացում։
«Ժողովուրդ»-ի ուսումնասիրությամբ, ըստ նույն հրամանի՝ Արագածոտնում ներառված է 24, Արարատում՝ 4, Արմավիրում՝ 7, Գեղարքունիքում՝ 15, Լոռիում՝ 47, Կոտայքում՝ 9, Շիրակում՝ 48, Սյունիքում՝ 48 դպրոց։
