«Դուք Երևան գալուց երևի տեսնում եք, թե ինչպիսի շինարարություն է գնում Երևանում, և ըստ էության Հայաստանի ֆինանսական ներուժը կենտրոնացված է Երևանում։ Բիզնեսի տեսանկյունից դա հասկանալի է, բայց սա հնարավոր չէ փոխել, եթե պետությունը մասնակցություն չունենա։

Մեր բանաձևը հետևյալն էր․ Երևանում չխանգարել, բայց եթե ուզում ենք, որ Հայաստանը չդառնա մեկ քաղաք ունեցող պետություն, միայն Երևանը չլինի Հայաստանը, ուրեմն պետք է ամեն ինչ անենք, որ բիզնեսը Երևանից դուրս գա, գա նաև դեպի Ստեփանավան։

Առանց պետական աջակցության դա դժվար է լինելու, և մեր ծրագրերով դա նախատեսված է։

Ձեր բնական պոտենցիալն իսկապես շատ մեծ է։ Ինձ համար մի քիչ զարմանալի է, թե ինչու է այսքան դանդաղ զարգացել ամեն ինչ և ինչու ենք ինչ-որ տեղում դոփում։

Ուրեմն կարող ենք խոստանալ մեկ բան․ տարածքների զարգացումը լինելու է մեր ուշադրության կենտրոնում։ Հատկապես այսպիսի բնական, տուրիստական մեծ ներուժ ունեցող տարածքները մենք զարգացնելու ենք»,- այս մասին այսօր՝ մայիսի 29-ին, Ստեփանավանում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։