ԱԺ «Հայաստան» խմբակցության պատգամավոր Իշխան Սաղաթելյանը ֆեյսբուքյան իր էջում տեսանյութ է հրապարակել՝ «Սրանց լկտիության պատասխանը պետք է տալ հունիսի 7-ին» գրառմամբ։ Տեսանյութում անդրադառնալով գերիների վերաբերյալ հարցին Արարատ Միրզոյանի արձագանքին, ընդդիմադիր պատգամավորը մասնավորապես ասում է․ «Սա այն անձնավորությունն է, որը պետք է պաշտպանի Հայաստանի և հայ ժողովրդի շահերը միջազգային ատյաններում և ամբողջ աշխարհում։
Լսի՛ր Արարատ, կամ ըստ Նիկոլի՝ Արագած, դու ամոթ, բարոյականություն, պատասխանատվություն գոնե մի գրամ ունե՞ս։ Ձեր, անձամբ նաև քո գործունեության արդյունքում այսօր այդ մարդիկ գտնվում են Բաքվի բանտերում և դատվում են բացառապես նրա համար, որ հայ են։
Հարգելի՛ ժողովուրդ, սրանք են այսօր Հայաստանը ներկայացնողները, սրանք, որ ձեզ սրտիկներ են ուղարկում, տեսեք, թե սրտիկների հետևում ինչ է թաքնված՝ խորը ատելություն։»։
