«Աշխարհը վերադառնում է այն ժամանակներին, երբ ամեն ինչ որոշվում էր ուժով, և առանց միջազգային իրավունքի նկատմամբ հարգանքի»: Այս մասին հայտարարել է Ռուսաստանի արտգործնախարար Սերգեյ Լավրովը։
«Մենք վերադառնում ենք այն ժամանակներին, երբ ամեն ինչ որոշվում էր ուժով, երբ ոչ ոք չէր ճանաչում որևէ միջազգային իրավունք։ ԱՄՆ նախագահ Դոնալդ Թրամփը վերջերս ասաց, որ իրեն միջազգային իրավունքը չի հետաքրքրում», — ասել է նախարարը RT India-ին տված հարցազրույցում, հաղորդում է Ռիա Նովոստին։
Լավրովի խոսքով՝ ժամանակակից աշխարհում կարևոր են ոչ թե խոսքերը, այլ կոնկրետ գործողությունները։
Միաժամանակ նա նշել է, որ ԱՄՆ-ի օրինակը ևս ապացուցում է, թե «առանձնապես պետք չէ հետևել խոսքերին, պետք է տեսնել իրական գործերը, իսկ դրանք մենք բոլորս տեսնում ենք»,- նշել է նա։
