Իրանը հրաժարվել է մասնակցել Միացյալ Նահանգների հետ բանակցությունների երկրորդ փուլին, հաղորդում է IRNA-ն։ Ավելի վաղ Tasnim գործակալությունը հայտնել էր, որ Իրանն ԱՄՆ-ի հետ բանակցությունների մասին որոշում կկայացնի միայն ծովային շրջափակումը վերացնելուց հետո։

Հիշեցնենք, որ ԱՄՆ նախագահ Դոնալդ Թրամփը հայտարարել է, որ իր ներկայացուցիչները մեկնում են Իսլամաբադ՝ մասնակցելու Իրանի վերաբերյալ բանակցություններին։ ՄԱԿ-ում ԱՄՆ դեսպան Մայք Վալցը պնդեց, որ ԱՄՆ-Իրան բանակցությունները կվերսկսվեն առաջիկա 24 ժամվա ընթացքում։