«Մեծ Բրիտանիայի վարչապետը հեռախոսազրույց է ունեցել Ամերիկայի Միացյալ Նահանգների նախագահ Դոնալդ Թրամփի հետ։ Ղեկավարները քննարկել են Մերձավոր Արևելքում ստեղծված ներկա իրավիճակը և Հորմուզի նեղուցի բացման կարևորությունը՝ համաշխարհային նավագնացության խափանումները դադարեցնելու համար, որոնք ամբողջ աշխարհում բարձրացնում են ծախսերը։ Վարչապետը ցավակցություն է հայտնել հակամարտության ընթացքում ամերիկացի զինծառայողների զոհվելու կապակցությամբ։ Նրանք պայմանավորվել են շարունակել կապի մեջ մնալ»։
Ըստ BBC-ի տեղեկության՝ հեռախոսազրույցը տևել է 15 րոպե։
Իրանի հետ պատերազմի առաջին օրերին Թրամփը մի քանի անգամ քննադատաբար էր արտահայտվել Սթարմերի մասին՝ այն բանի համար, որ Միացյալ Թագավորությունը հրաժարվել էր մասնակցել ամերիկա-իսրայելական արշավին։ Սակայն նախօրեին ԱՄՆ նախագահը նշել էր Բրիտանիան այն երկրների շարքում, որոնք, նրա կարծիքով, կարող էին միանալ Հորմուզի նեղուցի ապաշրջափակման գործողությանը։
