Պատերազմի սկզբից ի վեր նավթի գներն աճել են 40–50%-ով. Արթուր Խաչիկյան

16 Մարտի, 2026

Քաղաքագիտության դոկտոր Արթուր Խաչիկյանի ֆեյսբուքյան գրառումը․

«Պատերազմն Իրանի դեմ. 16-րդ օր։ ԱՄՆ-ն և Իսրայելը հարվածներ են հասցնում Իրանին։ Իրանը հարվածներ է հասցնում համաշխարհային տնտեսությանը։
Ադրբեջանի մայրաքաղաք Բաքվի երկնքում անհայտ անօդաչու թռչող սարքեր են նկատվել։ Ականատեսները հայտնում են, որ լսվում է «Շահեդին» բնորոշ ձայնը։
Մարտի 5-ի ֆոնդային շուկայի փլուզումից հետո, երբ DOE ինդեքսն անկում ապրեց 450 կետով, Թրամփը փորձում է ուժով բացել Հորմուզի նեղուցը և հանգստացնել շուկաները՝ ինդեքսներն ու նավթի գինը կայունացնելու նպատակով։
ԱՄՆ-ն ռմբակոծել է Խարք կղզին, որտեղ գտնվում է Իրանի նավթի արտահանման հիմնական տերմինալը։ Թրամփը պահանջում է, որ Իրանը բացի Հորմուզի նեղուցը, որով անցնում է համաշխարհային նավթի 20%-ը, հեղուկացված գազի 25%-ը և պարարտանյութերի համաշխարհային առևտրի 35%-ը։
Իրանը թույլատրել է հնդկական նավերի անցումը Հորմուզի նեղուցով։ Ֆրանսիան և Իտալիան բանակցություններ են վարում Իրանի հետ՝ նեղուցով ազատ անցման շուրջ։
Պատերազմի սկզբից ի վեր նավթի գներն աճել են 40–50%-ով. Brent տեսակի նավթի գինը գերազանցել է 100 դոլարը մեկ գալոնի դիմաց և հասել 103 դոլարի։ Սա կարող է հանգեցնել պարենի և մնացած բոլոր ապրանքների գների աճի։ Ակնհայտ է՝ Թրամփը ձգտում է հանգստացնել շուկան՝ տնտեսական ճգնաժամը կանխելու նպատակով։
ԱՄՆ ծովային հետևակայինները և ռազմանավերը տեղափոխվում են Մերձավոր Արևելք, CBS News-ին հաստատել է երկու պաշտոնյա։ Խմբավորումը պետք է ղեկավարի Ճապոնիայում տեղակայված USS Tripoli դեսանտային ուղղաթիռակիրը։ USS Tripoli-ի հրամանատարության տակ գտնվող միավորումը սովորաբար ունենում է մոտ 5000 նավաստի և ծովային հետևակային, որոնք բաշխված են մի քանի ռազմանավերի միջև։
ԱՄՆ զինված ուժերը Մերձավոր Արևելք են ուղարկել Ուկրաինայի համար մշակված արհեստական բանականությամբ օժտված 10 հազար Merops որսացող ԱԹՍ, հայտնել է ԱՄՆ բանակի քարտուղար Դեն Դրիսկոլը, փոխանցում է Bloomberg-ը։ Նրա խոսքով՝ ԱՄՆ-ն մտադիր է անօդաչու թռչող սարքերն օգտագործել, որպեսզի իրանական հարվածներից պաշտպանվելիս չվատնի հակաօդային պաշտպանության (ՀՕՊ) թանկարժեք հրթիռային համակարգերը։
Թրամփը կոչ է արել դաշնակիցներին նավեր ուղարկել Հորմուզի նեղուց։ Մեծ Բրիտանիան դիտարկում է այդ հնարավորությունը։ Չինաստանը կոչ է արել բոլոր կողմերին դադարեցնել ռազմական գործողությունները։ Ֆրանսիան հրաժարվել է նավեր ուղարկել Հորմուզի նեղուց. նրա նավերը կմնան Արևելյան Միջերկրական ծովում։
Իրանի արտաքին գործերի նախարարը հայտարարել է, որ Իրանը պատրաստ է շարունակել պատերազմն այնքան, որքան կպահանջվի. նա հերքել է ԱՄՆ-ի հետ հրադադարի վերաբերյալ որևէ համաձայնագրի կնքումը։ Թրամփը պնդում էր, թե Իրանը պատրաստ է գնալ գործարքի։
Իրանը հայտարարել է, որ օգտագործում է իր նոր՝ «Սաջիլ» անվանումով բալիստիկ հրթիռները։
Ամերիկյան երկու ավիակիր՝ «Աբրահամ Լինքոլնը» և «Ջերալդ Ֆորդը», հեռանում են Իրանի ափերից։
Լիբանան
Իսրայելական զորքերը շարունակում են պատերազմը «Հեզբոլլահի» դեմ և գրավում են Լիբանանի ավելի ու ավելի շատ տարածքներ։ Ավելի քան 800 000 մարդ փախչում է իսրայելական ռմբակոծություններից։ Իսրայելական ուժերը հարձակվել են բժշկական կենտրոնի վրա՝ սպանելով 12 բուժաշխատողի։
Իրաք
Իրաքում պրոիրանական խմբավորումները հարձակվել են Բաղդադի մերձակայքում գտնվող ԱՄՆ ռազմաբազայի՝ «Վիկտորի» ճամբարի վրա։ ԱՄՆ դեսպանատունը կոչ է արել իր քաղաքացիներին տարհանվել Իրաքից։ ԱՄՆ-ն հարվածներ է հասցրել Քիրքուքում պրոիրանական «Ժողովրդական մոբիլիզացիոն ուժերի» («Հաշդ ալ-Շաաբի» / PMF) բազաներին։ Իրանը հարձակվել է Բաղդադի օդանավակայանի և Էրբիլի վրա։
Մարտի 15-ին տված հարցազրույցում դեմոկրատ սենատոր Վան Հոլենը հայտարարել է. Թրամփը «գաղափար չունի, թե ուր է տանում այս պատերազմը, իսկ պաշտպանության նախարարը գաղափար չունի, թե ինչ է անում»։ «Այս պատերազմն Ամերիկային և նրա դաշնակիցներին դարձնում է ավելի անպաշտպան։ Նեթանյահուն ասել է, որ 40 տարի սպասել է սրան։ Նրա բախտը բերել է, որ գտել է ԱՄՆ այնպիսի նախագահի, ով բավականաչափ հիմար և անխոհեմ գտնվեց սրան գնալու համար»։
«Չկար ոչ մի անմիջական սպառնալիք։ Իրանը չէր պատրաստվում հարձակվել ԱՄՆ-ի վրա։ Իրանը միջուկային զենք ստեղծելու շեմին չէր գտնվում։ Ոչ մի իրանական հրթիռ ի վիճակի չէ մոտենալ Միացյալ Նահանգների տարածքին»։
Պատերազմն օրական ավելի քան 1 միլիարդ դոլար է արժենում ԱՄՆ-ին։
«Թրամփը մեղադրել է Բարաք Օբամային այն բանի համար, որ նա ցանկանում էր պատերազմ սկսել Իրանի հետ, քանի որ վատ բանակցող էր։ Բայց Օբաման կնքեց ԳՀՀԾ-ն (JCPOA), իսկ Թրամփը խզեց այդ համաձայնագիրը»։
«Թրամփը չի կարողանում հստակ սահմանել իր ռազմավարությունը. այն անընդհատ փոխվում է», — ասել է սենատորը»:

Նմանատիպ նյութեր

Բաքվի բռնшպետի համար քաղցրահամ ջրի խնդիրն իր իշխանության կայունությանը սպառնացող ռիսկերի շարքում է․ իրանագետ

Բաքվի բռնшպետի համար քաղցրահամ ջրի խնդիրն իր իշխանության կայունությանը սպառնացող ռիսկերի շարքում է․ իրանագետ

Դուբլինում Բաքվի բարբարոսական վարչախմբի և Հայաստանի միջև ամենաբարձր մակարդակով տեղի ունեցած հանդիպման մասին պաշտոնական հաղորդագրության մեջ խոսք է գնում անդրսահմանային ջրային ռեսուրսների ոլորտում երկկողմ համագործակցության կարևորության և անդրսահմանային գետերի կառավարման...

Բանակում խաղաղ պայմաններում կյանքեր են կորսվում, իսկ ՊՆ-ն փորձում է շեղել ուշադրությունը. Վաղինակ Վարդանով

Բանակում խաղաղ պայմաններում կյանքեր են կորսվում, իսկ ՊՆ-ն փորձում է շեղել ուշադրությունը. Վաղինակ Վարդանով

ՀՀ ԱԺ պատգամավոր Վաղինակ Վարդանովը ֆեյսբուքյան իր էջում գրում է. « Բանակում 2 օր առաջ հերթական զոհն ունեցանք։ Ցավակցում և զորակցությունս եմ հայտնում մահացած զինծառայողի հարազատներին, բարեկամներին և ընկերներին։ Զինված ուժերում խաղաղ պայմաններում հերթական մահվան դեպքին,...

Արթիկի ՔԿՀ-ում դատապարտյալը բարձր երաժշտությամբ և հայհոյանքներով իրարանցում է հրահրել

Արթիկի ՔԿՀ-ում դատապարտյալը բարձր երաժշտությամբ և հայհոյանքներով իրարանցում է հրահրել

Նոյեմբերի 7-ին դատապարտյալներից մեկը մեծ իրարանցում է սկսել Արթիկ քրեակատարողական հիմնարկում։ Դեպքի մասին հայտնում է Aravot.am-ը։ Կարանտինային բաժանմունքում գտնվող 60-ամյա դատապարտյալներից մեկը, որը դատապարտվել է ՀՀ Քրեական օրենսգրքի երեք հոդվածներով՝ գողության (177...

Փաշինյանը ստում է․ որքա՞ն է եղել պետական պարտքը ՀՀ 4 ղեկավարների օրոք․ ինֆոգրաֆիկա

Փաշինյանը ստում է․ որքա՞ն է եղել պետական պարտքը ՀՀ 4 ղեկավարների օրոք․ ինֆոգրաֆիկա

  Նիկոլ Փաշինյանը ԱԺ ամբիոնից հերթական անգամ սուտ է ասել և դարձյալ՝ իրեն նախորդած ժամանակների վերաբերյալ։ Այս անգամ՝ կեղծիքը վերաբերել է ՀՀ պետական պարտքին։ Նա, մասնավորապես, ասել է․ «Մեզ մեղադրում են, որ 2018 թվականից Հայաստանի պետական պարտքը կրկնապատկվել է։...

Արամ Ա կաթողիկոսն այցելել է Լիբանանի նախագահին

Արամ Ա կաթողիկոսն այցելել է Լիբանանի նախագահին

Արամ Ա կաթողիկոսն այցելել է Լիբանանի նախագահ, գեներալ Ժոզեֆ Աունին: Արամ Ա կաթողիկոսը վերահաստատել է, որ Մեծի Տանն Կիլիկիո կաթողիկոսությունը՝ իր աշխարհասփյուռ թեմերով ու համայնքներով, Լիբանանի և սփյուռքի հայությունը զորակցում են Լիբանանի անկախության, տարածքային...