Այսօր Գերագույն հոգևոր խորհրդի հերթական նիստն էր, և մենք սրբազաններին հարցաքննության կանչելը կպում ենք բացառապես Գերագույն հոգևոր խորհրդի նիստի հետ, որովհետև բոլորը ծանուցվել են հենց այդ ժամին ներկայանալու անհրաժեշտության մասին։ Այս մասին լրագրողների հետ զրույցում նշեց փաստաբան Արմինե Ֆանյանը։
«Տվյալ պարագայում մենք ունենք նույն օրը ծանուցագրերը հապճեպ ուղարկելու գործընթաց, որի նպատակը մեր կարծիքով հերթական անգամ Գերագույն հոգևոր խորհրդի նիստը տապալելուն է միտված։ Ավելին ասեմ, ծանուցագրերը, վկայի դատավարական կարգավիճակով են ուղարկված։ Չգիտես ինչու, սրբազանները ծանուցվել են վկայի դատավարական կարգավիճակով։ Բնականաբար, պաշտպաները զբաղվածություն ունեին, և Կոմիտեն գնաց նրան, որ արդեն ծանուցագրեր ուղարկեց Սրբազաններին, այն ընթացքում, երբ Գերագույն հոգևոր խորհրդի նիստն էր ընթանում»,–ասաց նա։
