Մենք ողջունում ենք Հայաստանի հաստատուն հանձնառությունը՝ խորոցնելու կապերը ԵՄ-ի հետ։ Այս մասին Ստրասբուրգում Փաշինյանի հետ հանդիպման ժամանակ ասել է Եվրոպական խորհրդարանի նախագահ Ռոբերտա Մեցոլան:
«Մեր պարագայում կա քաղաքական երկխոսություն, ավելին նաև անվտանգության, առևտրի, տարածաշրջանային կապակցվածության ոլորտներում մենք իսկապես ուզում ենք խորացնել մեր համագործակցությունը: Հայաստանի հետ մեր հարաբերությունները էապես ավելացել են, մեր հայ բարեկամների վերջին ամիսների հանձնառությանը համահունչ մենք շարունակելու ենք խորացնել մեր հարաբերությունները, ահա թե ինչու էինք ուզում վարչապետին հրավիրել այստեղ:
Սա ընդամենը առաջին քայլն է մեր մանդատի շրջանակում: Մյուս շաբաթ Եվրոպա-Հայաստան խորհրդարանական գործընկերության հանձնաժողովի նիստը տեղի կունենա, նաև Եվրամիություն–Հայաստան պատմության մեջ առաջին գագաթնաժողովը տեղի կունենա մայիսին, Եվրոպական քաղաքական համայնքի ժողովից զատ»,–ասաց նա։
Հարցին՝ արդյո՞ք Եվրոպական խորհրդարանը նախատեսում է որևէ հնարավորություն ընդլայնելու ՀՀ-ում ԵՄ ներկայությունը, որպեսզի խորացնի հարաբերությունները բոլոր քաղաքական կուսակցությունների հետ և աջակցի ներառական երկխոսությանը բոլոր կուսակցությունների հետ՝ Մեցոլան պատասխանեց. «Այդ որոշումները մենք կայացնում ենք Եվրոպական խորհրդարանի բյուրոյում։
