«Միայն էֆեկտիվ կառավարման արդյունքում դու կարող ես 15-20% բարելավել իրավիճակը, միայն արդյունավետ կառավարման արդյունքում: Եվ երբ ես եկել եմ Հայաստան, սկզբից վարչապետ, հետո նախագահ, տեսել եմ ինչ վիճակում է կառավարման պրոցեսը ընդհանրապես Հայաստանում, և արագ փոփոխության հաջողությունը ես տեսնում էի արդյունավետ կառավարման մեջ։ Չեմ պատկերացնում՝ ոնց է կարելի դա համատեղել, ուղղակի ժամանակ չունես։ Կա՛մ պետք է քո գործը տանես ռեալ արդյունք ստանալու համար, կա՛մ պետք է քո գործը կիսով չանես, այդ ռեալ արդյունքը չունենաս, բայց մարդիկ ասեն՝ այս ինչ լավ է, մեզ հետ փողոցում պեռաշկի է ուտում, սա է անում, այն է անում։ Ընտրության հարց է։ Դու քո գործը ամբողջությամբ անում ես, և մարդիկ, միգուցե չկապելով դա քեզ հետ, բայց ամեն օր, ամենօրյա ռեժիմով բարելավում տեսնում են, զգում են իրենց սառնարանի վրա, իրենց մաշկի վրա, կամ դու քո ժամանակի մի զգալի մասը դնում ես մարդկանց դուր գալու վրա: Հիմա ո՞րն է ավելի ազնիվ: Կարո՞ղ եք ասել»,- «Մեծ քաղաքականություն» փոդքասթի ժամանակ ասաց ՀՀ երկրորդ նախագահ Ռոբերտ Քոչարյանը՝ անդրադառնալով հարցին, թե կարո՞ղ է ղեկավարը, ինչպես Փաշինյանի պարագայում է, օրը զբաղեցնի կարկանդակ ուտելով, փողոցներում ման գալով։
Մանրամասն՝ տեսանյութում։
