Բեյրութում ռմբակոծությունների հետևանքով տուժածների շրջանում հայեր չկան

4 Մարտի, 2026

Բեյրութում ռմբակոծությունների հետևանքով տուժածների շրջանում հայեր չկան։ Հայկական կառույցներ նույնպես չեն տուժել։ Այս մասին NEWS.am–ի հետ զրույցում ասաց Բեյրութի «Ազդակ» թերթի խմբագիր Շահան Գանտահարյանը։

«Իսրայելը շարունակում է թիրախային հարվածներ իրականացնել տարբեր ուղղություններով՝ ոչ միայն հարավային շրջանում, այլև Բեյրութի հարավային արվարձաններում։ Այսօր անգամ թիրախավորել էին քրիստոնեական թաղամասում գործող հյուրանոցը։ Արդեն հայնտարարվել է, որ ընդհանուր առմամբ 50 զոհ և բազմաթիվ վիրավորներ կան։ Իսրայելը Լիբանանի հարավային շրջանների բնակիչներին կոչ է արել հեռանալ, որովհետև ներխուժման գործողությունների ծրագիր կա։ Իրավիճակը բարդ և մտահոգիչ է, նաև անկանխատեսելի»,–նշեց Գանտահարյանը։

Հարցին՝ ինչպիսի՞ն է իրավիճակը հայ համայնքում, արդո՞ք կան հայեր, որոնք ցանկանում են լքել երկիրը, «Ազդակ» թերթի խմբագիրը պատասխանեց․

«Խուճապ չկա, բայց անորոշություն է տիրում։ Հայերն էլ, ինչպես Լիբանանում ապրող բոլորն այս պահին մնտահոգված են, բայց երկիրը լքելու մասին քննարկումներ չկան։ Դպրոցներն ու համալսարաններն այս օրերին փակ են, որովհետև փախստականներին տեղավորում են դպրոցներում։ Օտար ավիաընկերությունները ժամանակավորապես դադարեցրել են թռիչքները, լիբանանյան ավիաընկերություններն աշխատում են սահմանափակ ուղղություններով։ Խանութները բաց են, բայց շուկան նորմալ չի աշխատում։ Չէի ասի, թե փողոցներն ամային են, բայց նախկին անցուդարձը չկա։ Դժվար է ասել, թե ինչպես կզարգանան իրադոարձությունները»։

Շահան Գանտահարյանը նշեց, որ հայկական թաղամասերում թե՛ գիշերը, թե՛ ցերեկային ժամերին հաճախ լսելի են պայթյունների ձայներ, քանի որ թիրախավորվող օբյեկտներն այնքան էլ հեռու չեն հայկական թաղամասերից։

Հիշեցնենք, որ փետրվարի 28-ի առավոտյան ԱՄՆ-ն և Իսրայելը սկսել են հարվածնել հասցնել Իրանին։

Իսրայելը միաժամանակ հարվածներ է հասցնում Լիբանանին՝ իր հավաստմամբ՝ միմիայն «Հզբոլլահի» դեմ պայքարի շրջանակում։ Նախօրեին հայտնի դարձավ, որ Իսրայելի բանակը ցամաքային ճանապարհով մտել է հարավային Լիբանան։

Նմանատիպ նյութեր

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Նոյեմբերի 6-ին, ավտովթար է տեղի ունեցել Արմավիրի մարզում։ Ժամը 00։05-ի սահմաններում Գրիբոյեդով գյուղի սկզբնամասում Արմավիրի մարզի բնակիչ 24-ամյա Մելիք Հ․-ն իր վարած «Merceders» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջված հայտնվել...

ՊՆ-ն հաստատեց. զինծառայող է մահացել

ՊՆ-ն հաստատեց. զինծառայող է մահացել

Նոյեմբերի 18-ին հայտնաբերվել է ՊՆ N զորամասի պայմանագրային զինծառայող Ն. Բ.-ի դին՝ հրազենային վնասվածքով: Այս մասին տեղեկանում ենք ՊՆ-ից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է...

Սոթքի զորամասում պայմանագրային զինծառայող է մահացել․ Factor

Սոթքի զորամասում պայմանագրային զինծառայող է մահացել․ Factor

Factor TV-ի տեղեկություններով՝ Սոթքի զորամասում պայմանագրային զինծառայող Ն. Բ.-ն մահացել է: Նախնական տեղեկություններով՝ զինծառայողը կրակել է իր գլխին։ Կայքի տեղեկություններով` զինծառայողը Գավառից էր, հայրը երկրում չէ: Պաշտպանության նախարարությունից հայտնել են, որ քիչ...

Ուզում եք Քինգ Քոնգի նման դոշ ծեծեք, հոխորտաք, իրավապահներ ուղարկեք մեր տները, մեր պատասխանն է՝ ոչ. Աննա Գրիգորյանը՝ Փաշինյանին

Այո՛, Ալիևի սահմանադրությունը Հայաստանում չի անցնելու։ Ուզում եք՝ այսօր Քինգ Քոնգի նման դոշ ծեծեք, հոխորտաք, իրավապահներ ուղարկեք մեր տները։ Մեր պատասխանը ոչ է, Нет, No, NEIN,ո՞ր լեզվով ասենք՝ Ալիևի սահմանադրությունը չի’...