Ադրբեջանի նախագահ Իլհամ Ալիևը մարտի 4-ին այցելել է երկրում Իրանի դեսպանատուն և ցավակցություն հայտնել Իրանի Իսլամական Հանրապետության Գերագույն առաջնորդ այաթոլլա Սեյեդ Ալի Խամենեիի, ինչպես նաև բազմաթիվ այլ խաղաղ բնակիչների զոհվելու կապակցությամբ։

Իլհամ Ալիևը գրառում է կատարել ցավակցությունների մատյանում, որից հետո զրույց է ունեցել Ադրբեջանում Իրանի դեսպան Մուջթաբա Դեմիրչիլուի հետ։

Իլհամ Ալիևը նշել է, որ ամենաջերմ զգացմունքներով է հիշելու Իրան կատարած այցերի շրջանակում այաթոլլա Սեյեդ Ալի Խամենեիի հետ ունեցած հանդիպումները։

Մուջթաբա Դեմիրչիլուն շնորհակալություն է հայտնել Ադրբեջանի նախագահին դեսպանատուն այցելելու և հայտնած ցավակցությունների համար, հայտնում են ադրբեջանական ԶԼՄ-ները։