«36 տարի առաջ այս օրը հայ ժողովուրդը Ստեփանակերտում՝ Վերածննդի հրապարակում, Երևանում՝ Ազատության հրապարակում բարձրաձայնեց այն, ինչ տասնյակ տարիներ շարունակ ապրում էր իր ներսում՝ ազատ ապրելու և ինքնորոշվելու իրավունքը։
Այդ օրը ոչ թե պարզապես շարժում սկսվեց, այլ ազգային արժանապատվության վերականգնման գործընթաց»,- նշել է Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը։
Ըստ նրա, փետրվարի 20-ը ապացույց է, որ պատմությունը սկսվում է այն պահին, երբ ժողովուրդը որոշում է կայացնում այլևս չհարմարվել պարտադրված իրականությանը։
«Մենք փառավոր ճանապարհ անցանք
համաժողովրդական զարթոնք,
հաղթանակած պատերազմ,
պետականության կերտում,
ցավոք նաև ծանր կորուստներ ու դաժան փորձություններ։
Սակայն կարևորը անփոփոխ է մնացել՝
ազատության պահանջը չի վերացվել որևէ հրամանագրով, որևէ պարտադրանքով, որևէ ժամանակավոր պարտությամբ։
Փետրվարի 20-ը արգելում է մոռանալ.
ազգերը պարտվում են ոչ թե այն ժամանակ, երբ հարված են ստանում, այլ այն ժամանակ, երբ հրաժարվում են իրենց իրավունքից։
Մեր ճանապարհը եղել է փառավոր, որովհետև այն հիմնված էր արդարության վրա։
Եվ որքան էլ փորձեն պատմությունը վերաշարադրել, այդ օրը չեն կարող ջնջել մեր ազգային օրացույցից։
Ազատության գաղափարը ժամանակավոր չի լինում։
