Իրանի ԱԳ նախարարը ժամանել է Ժնև՝ ՄԱԳԱՏԷ-ի ղեկավար Ռաֆայել Գրոսիի հետ միջուկային բանակցությունների համար։ Այս մասին նա գրել է X-ի իր էջում։

Իրանի ԱԳ նախարարը նաև հաստատել է այն տեղեկությունը, որ վաղը կմեկնարկեն ԱՄՆ-ի հետ բանակցությունների երկրորդ փուլը։

«Այսօր մեր միջուկային փորձագետների հետ ես կհանդիպեմ Ռաֆայել Գրոսիի (ՄԱԳԱՏԷ-ի գլխավոր տնօրեն) հետ՝ քննարկելու ճշգրիտ տեխնիկական հարցեր: Ես նաև կհանդիպեմ Բադր Ալ Բուսաիդիի (Օմանի արտաքին գործերի նախարար) հետ՝ երեքշաբթի օրը Միացյալ Նահանգների հետ դիվանագիտական ​​խորհրդակցությունների մեկնարկից առաջ: Ես Ժնև եմ եկել արդար և հավասարակշռված համաձայնագրի հասնելու իրական նախաձեռնություններով: Ինչ չկա օրակարգում. ենթարկվել սպառնալիքներին»,- գրել է Արաղչին։

ISNA գործակալության հաղորդմամբ՝ Իրանի և ԱՄՆ-ի միջև բանակցությունների երկրորդ փուլը նախատեսված է Ժնևում Օմանի դեսպանատանը: