Հայաստանի Հանրապետության բազմաթիվ քաղաքացիներ անմեղության կանխավարկածի բացահայտ ոտնահարման պայմաններում զրկվել են ազատությունից կամ հետապնդվում են ոչ թե հանցանքի, այլ իրենց գաղափարների, խոսքի և դիրքորոշման համար, որոնց առնչությամբ առկա են խտրական և տարբերակված մոտեցում: Այս մասին այսօր՝ փետրվարի 5-ին, հայտարարեց «Հայաստան» խմբակցության պատգամավոր Էլինար Վարդանյանը։
«Պետք է նշեմ, որ այս ժամանակահատվածում իհարկե առանձնապես իրավիճակը չի բարելավվել, թեև որոշ գործերով խափանման միջոց կալանքը փոխարինվել է, բայց փոխարինվել է տնային կալանքով, ինչը նույնքան ազատության սահմանափակում է ենթադրում, և հետևաբար այս մարդիկ շարունակում են մնալ քաղբանտարկյալների կարգավիճակում: Հատուկ ուզում եմ նաև նշել, որ վերջին գործընթացը, որ տեղի է ունենում հոգևորականների նկատմամբ, յոթ հոգևորականի նկատմամբ քրեական հետապնդում է իրականացվում և այստեղ նրանց նկատմամբ նաև ստորագրություն չհեռանալու մասին խափանման միջոցն է կիրառվել: Պարզապես սրա մասին ուզում եմ խոսեմ նաև այն տեսակետից, որ իրավունքի և իրավա Գիտության բոլոր նորմերի խախտումներ է տեղի ունենում և որևէ ոչ միայն իրավական, այլ նաև բանական ձևակերպման մեջ չի տեղավորվում այն գործընթացը, որ տեղի է ունենում»,- ասաց նա:
Մանրամասն՝ տեսանյութում։
