Աշխատանքային իրավունքները համատարած ոտնահարվում են ամեն քայլափոխի: Այս մասին հայտարարեց ԱԺ «Հայաստան» խմբակցության պատգամավոր Գեղամ Մանուկյանը։
«Մենք միգուցե չէինք էլ նկատում, միգուցե այս օրերին, որ բոլորս դժգոհում ենք, որ Երևանի քաղաքապետարանը վատ է աշխատում և իրոք վատ է աշխատում, մայթերը սարցակալած են և այլն, մենք չենք էլ նկատում, որ PR-ի համար սառնամիքին ցանկացած ժամի քաղաքապետարանը շատ ցածր վարձատրվող հարյուրավոր մեր հայրենակիցների այդ սանիտարամաքրության, այդ ծառայության հանում է այդ սառնամիքին փողոցները, նկարում է, որպեսզի ցույց տա, թե ինչպիսի ջանասիրությամբ է քաղաքապետարանը մաքրում Երևանի փողոցները։
Բոլոր ոլորտներում է, այսինքն վարձատրությունից սկսած պարզ աշխատանքային ժամեր հազար ու մի տեսակ խնդիրներ և այստեղ կուզեմ մի հատ կարևոր մի բան, որ զեկույցում վստահաբար չկա, բայց կուզեմ մի աշխատանքային իրավունքի և ընդհանրապես իրավունքների ոտնահարման մի այլ աղմկահարույց փաստ ասեմ։ Խոսքը վերաբերում է պետական համակարգի աշխատողներին Խոսքը վերաբերում է կրթական հաստատությունների, առողջապահական հաստատությունների աշխատողներին: Խոսքը վերաբերում է ոստիկանության հազարավոր ծառայողների, որոնց լոկ Փաշինյանի կամակորության համար ամեն կիրակի հանում գցում են փողոցները, ամեն կիրակի այս համայնքից այն համայնք տանում են կեղծ պատարագների: Մարդիկ շաբաթներով հանգստյան օրից զրկվում են, որովհետև պետք է բավարարեն Նիկոլ Փաշինյանի անձնական քինախնդրությունները։ Շատերդ քաղաքի կենտրոնում եք աշխատում մի հատ կառավարության երկու մասնաշենքերի միջև այդ այգում նայեք ամեն օր 24 ժամ տասնյակ հարյուրավոր ոստիկաններ սոված, ծարավ, նստած են: Հիմա միգուցե հավելավճար են տալիս նրանց, բայց կրկնում եմ 24 ժամ հարյուրավոր ոստիկաններ սոված, ծարավ նստած են: Իհարկե ուժային համակարգում մարմինությունների իրավունքները շատ ավելի սահմանա փակ են, բայց կրկնում եմ փաստեր են, որ հատիկ-հատիկ միգուցե մենք առօրյա մեր կյանքում չենք նկատում, բայց դրանց հանրագումարն է, որ ի վերջո «Հայաստանը սոցիալական պետություն է» սահմանադրական նորմը իրականության հետ կապ չունի»,- ասաց նա։
Մանրամասն՝ տեսանյութում։
