«2025 թ. հունվարի 1-ից մինչև դեկտեմբերի 31-ն ընկած ժամանակահատվածում մահացել կամ զոհվել է 30 զինծառայող, որից 6-ը ծառայության հետ կապված հանգամանքներում»,-հրավիրված ասուլիսում ասաց ՀՀ պաշտպանության նախարար Սուրեն Պապիկյանը։
Նրա խոսքով՝ 24-ը զինծառայողի մահը ծառայության հետ չկապված հանգամանքներում է եղել։
Պապիկյանը մանրամասեց, որ մահվան 6 դեպքերից 1-ը՝ կայծակնահարություն է եղել, 1-ը՝ հոսանքահարման, 2-ը՝ ինքնասպանության, 2-ը՝ առողջական խնդիրների պատճառով։
Պաշտպանության նախարարը նաև նշեց, որ 2024 թ.-ի համեմատ՝ 2025թ-ին մահացության դեպքերը պակասել են 40 %-ով։
Չնայած առողջական խնդրով տարվա ընթացքում մահվան 2 դեպքին՝ Պապիկյանը դրական համարեց օրենքով որոշ առողջական խնդիրներով զինծառայողներին ԶՈւ զորակոչելու նոր կարգավորումը։
Պապիկյանը նաև հայտարարեց, որ Ազատի զինվորական կացարանի հրդեհի դեպքն իր անձնական ողբերգություն է եղել ու շարունակում է մնալ։
«Բայց քննող մարմինը ես չեմ, մեղավորներ նշանակողը ես չեմ։ Հիմա դատական պրոցես է ընթանում։ Եթե դատական պրոցեսը կբացահայտի նոր իրողություն, մենք հաշվի կնստենք այդ նոր իրողության հետ, եթե կհաստատի այն նախնախան վարկածը, որ եղել է, դրա հետ նույնպես հաշվի կնստենք ու նաև դա դաս կլինի մեզ՝ հետագայում նման դեպքերից խուսափելու»,- ասաց Պապաիկյանը։
