«Մեր ձևով» ժողովրդական շարժման համակարգող Նարեկ Կարապետյանն անդրադրաձել է ՔՊ-ական պաշտոնյաների դիտարկումներին, որոնք արձագանքել են «Մեր ձևով» շարժման առաջարկներին։
Առաջինը Կարապետյանն արձագանքել է Էկոնոմիկայի նախարար Գևորգ Պապոյանին։ Կարապետյանն ուսումնասիրել է ՔՊ-ականի կենսագրությունը, որն աշխատել է խանութերում որպես մարքեթինգի մասնագետ։
«Ամենայն հարգանքով, բայց չեմ կարծում, որ նրա փորձառությունը կարող էր այնպիսին լինել, ինչպիսին է հայկական ամենամեծ ընկերության՝ ամենամեծ ներդրողի ներկայացուցչի փորձառությունը»,- ընդգծել է Կարապետյանը։
Հաջորդը Կարապետյանն անդրադարձել է Աշխատանքի և սոցիալական հարցերի նախարար Արսեն Թորոսյանին, ով ասել էր, թե իրենք դպրոց չեն փակում։
«Միայն Սյունիքում մոտավոր 45 դպրոց է փակվում»,- հակադարձել է Կարապետյանը։
Անդրադառնալով Սյունիքի մարզպետին՝ Նարեկ Կարապետյանն ասել է, որ Ղուկասյանն այն մարզպետն է, ում կառավարման ժամանակ 45 դպրոց է փակվել։
«Ինչ վերաբերվում է Սյունիքի տեղն իմանալուն՝ ես փոքր տարիքում ավելի լավ գիտեի Սյունիքի տեղը, քան դուք՝ մինչև ձեր նշանակվելը»,- նշել է Նարեկ Կարապետյանը։
