ԱՄՆ կառավարության «Ոսկե քարտ» կայքը, որը նախագահ Դոնալդ Թրամփն անվանել է ամերիկյան քաղաքացիություն ստանալու ամենաարագ ուղին, հարուստ օտարերկրացիներին առաջարկում է մշտական բնակության իրավունք 1 միլիոն դոլարով: Դիմումի վճարը կազմում է 15,000 դոլար, որը կպահպանվի նույնիսկ վիզան մերժվելու դեպքում, ասվում է կայքում:
«Trump Gold Card»-ը հայտնվում է համանուն կայքի գլխավոր էջում՝ համապատասխան երանգի ուղղանկյունով։ Այն նաև պատկերում է ԱՄՆ նախագահին, սպիտակագլուխ արծվի գլուխը, Ազատության արձանը և ամերիկյան դրոշը։ Հետին պլանում լողում են ամպեր, որոնց մեջ թռչում են այլ գիշատիչ թռչուններ։
«Հայրենիքի անվտանգության դեպարտամենտի ծառայության վճարը կազմում է 15,000 դոլար: Նախապատմության ստուգումից և 1 միլիոն դոլար կանխավճար կատարելուց հետո, դուք կարող եք ռեկորդային ժամանակում ստանալ բնակության թույլտվություն՝ Թրամփի ոսկե քարտով», — ասվում է ԱՄՆ կառավարության կայքում:
Իշխանությունները խոստանում են, որ հաստատման գործընթացը շաբաթներ է տևում։
Նրանք խոստանում են շուտով գործարկել պլատինե քարտի տարբերակը. հինգ միլիոն դոլարի նվիրատվության դիմաց դիմորդները կկարողանան տարեկան մինչև 270 օր ապրել ԱՄՆ-ում՝ առանց հարկերի։
