60-ից ավել անձ այս պահին ենթարկվում է քրեական հետապնդման քաղաքական դրդապատճառներով, և գրեթե 40-ը այս պահին կալանքի կամ տնային կալանքի տակ է, որը ևս խափանման միջոց է և ազատության սահմանափակում: Այս մասին լրագրողների հետ զրույցում հայտարարեց ԱԺ «Հայաստան» խմբակցության պատգամավոր Էլինար Վարդանյանը։
«Մենք տեսանք, որ կալանքը տնային կալանքով փոխարինելու կամ տնային կալանքները վարչական հսկողության փոխարինելուն զուգահեռ կին քաղաքական բանտարկյալի նկատմամբ դատարանը կիրառեց ևս երեք ամսով կալանքը երկարացնելու որոշում։ Ավելին՝ տպավորություն է, որ Լիդիա Մանթաշյանի նկատմամբ դատարանի որոշումը հենց կիրառվում է հատկապես պատժելու նպատակով, որովհետև մինչ այժմ գրեթե հինգ ամիս Լիդիա Մանթաշյանի տեսակցությունները, այդ թվում նաև պատգամավորների հետ, սահմանափակված են, և սա այլ կերպ քան պատիժ գնահատել չի կարելի»,- ասաց նա։
Մանրամասն՝ տեսանյութում։
