Մամուլի ասուլիսով է հանդես գալիս ՀԷՑ-ի նախկին գլխավոր տնօրենի պաշտոնակատար Դավիթ Ղազինյանը։ Ասուլիսում անդրադարձ կլինի հոսանքի սակագինը  նվազեցնելու վերաբերյալ «Տաշիր Կապիտալ»-ի առաջարկին։

Օրերս Հանրային ծառայությունները կարգավորող հանձնաժողով մուտք արվեց  էլեկտրաէներգիայի սակագինը նվազեցնելու առաջարկի վերաբերյալ «Տաշիր Կապիտալի»  դիմումը։

Հիշեցնենք՝ ՀԷՑ տնօրենների խորհրդի նախագահ «Մեր ձևով» շարժման համակարգող, Նարեկ Կարապետյանը Facebook–ի էջում գրել էր. «Իմ հրապարակած տեղեկությանն ի պատասխան, ՀԾԿՀ-ն հայտարարել է, որ մերժել է մեր հունիսի 6-ի առաջարկը, քանի որ ցանկացել է սակագնի վերանայում անել տարեվերջին:

Մեջբերում եմ. «ՀԾԿՀ-ն նպատակահարմար է գտել էլեկտրաէներգետիկական համակարգի ընկերությունների սակագների վերանայումը իրականացնել տարեվերջին»։

Հարգելի՜ հայրենակիցներ,

Վաղը մենք մի անգամ էլ կդիմենք ՀԾԿ հանձնաժողով` կցելով նրանց այսօրվա հայտարարությունը և կպահանջենք կատարել մեր գրավոր առաջարկը և իջեցնել էլ. էներգիայի սակագինը (ինչպես իրենք են նշել վերը մեջբերված հայտարարության մեջ)»։

Մանրամասները՝ ուղիղ հեռարձակմամբ։