«Շատ դրական երկխոսություն ունենք Թուրքիայի հետ։ Կարծում եմ՝ Թուրքիայի հետ դիվանագիտական հարաբերությունների հաստատումն ու սահմանի բացումն ընդամենը ժամանակի հարց է, քանի որ հիմա որևէ էական խոչընդոտ չկա»,- Փարիզի Խաղաղության 8-րդ ֆորումի շրջանակում անկացված «Առաջնորդության խաչմերուկներում» խորագրով քննարկմանն ասել է Նիկոլ Փաշինյանը։
Փաշինյանի կարծիքով, դա տեղի կունենա։
«Թե ինչքան արագ դա տեղի կունենա, արդեն այլ հարց ու այլ խնդիր է։ Ես կարծում եմ, որ մենք հասնում ենք մի հանգրվանի, որում կունենանք լիարժեք դիվանագիտական հարաբերություններ, բաց սահմաններ, տնտեսական, քաղաքական համագործակցություն և կլինենք նորմալ հարևաններ։ Հավատում եմ, որ այդ պահը մոտենում է, գալիս է, այդ պահը շուտով կգա։ Բայց ստույգ երբ, չեմ կարող հիմա ասել»,- նշել է Ն. Փաշինյանը։
