Ժողովրդի հարկերից սնվող ուժայինները հսկում են «Տեր Արամի» անվտանգությունը. Լիա Սարգսյան

27 Հոկտեմբերի, 2025

Լրագրող Լիա Սարգսյանը ֆեյսբուքյան էջում գրում է․

«Ժողովրդի հարկերից սնվող ուժայինները հսկում են «Տեր Արամի» անվտանգությունը

ՀՀ վարչապետ Նիկոլ Փաշինյանի «պատվիրած» պատարագին Հովհաննավանքի եկեղեցու տարածքը, ինչպես ներսում, այնպես էլ դրսում, խիստ վերահսկողության տակ էր։

Պետական պահպանության ենթակա անձի՝ վարչապետի հեռանալուց հետո էլ տասնյակ ՊՊԾ-ականներ և քրեականի օպերներ շարունակում էին պահպանություն իրականացնել եկեղեցու ներսում։

Թվում էր՝ եկեղեցին պետական նշանակության օբյեկտ է դարձել՝ անվտանգության հատուկ ռեժիմով։

«Իշխանություն» լրատվականի տեսանյութերից պարզ է դառնում, որ «Տեր Արամ քահանան» շարժվում էր անվտանգության աշխատակիցների ուղեկցությամբ։ Աստծո տանը Տիրոջ «ծառան» առանց ուժայինների մեկ քայլ անգամ չէր անում։

Պարզ հարց է առաջանում՝ ինչու՞ է իրեն Աստծո հետ նույնացնող «Տեր Արամը» վախենում հասարակ ժողովրդից, ի՞նչ վտանգ կարող էր սպառնալ մի «հոգևորականի», որի շուրջը պետք է լինեին ոչ թե ՊՊԾ աշխատակիցներ, այլ աղոթող հավատացյալներ։ Եթե իրավամբ «Տեր Արամը» քարոզում է հավատք և խաղաղություն, ապա ո՞ւմից էր նա պաշտպանվում՝ ժողովրդից, թե՞ Աստծուց։

Ավելի կարևոր հարցն այն է, թե ինչ ընթացակարգով և ում հրամանով են տրամադրվել պետական պահպանության ծառայողներ՝ մի անձի, որը որևէ կերպ պետական պահպանության ենթակա անձանց ցանկում չի կարող լինել։

ՀՀ «Պետական պահպանության ծառայության մասին» օրենքի համաձայն՝ՊՊԾ ծառայություններից օգտվում են պետական պահպանության ենթակա անձինք, որոնց ցանկը սահմանվում է ՀՀ վարչապետի որոշմամբ։ Օրենքը հստակ է․ ժողովրդի հարկերից սնվող ՊՊԾ ծառայությունն ապահովում է պետական պաշտոնյաների անվտանգությունը՝ Հանրապետության նախագահի, վարչապետի, Ազգային ժողովի նախագահի և մի շարք այլ պաշտոնատար անձանց։ «Տեր Արամը» որեւէ դրվագով չի մտնում այս կատեգորիաների մեջ»։

Նմանատիպ նյութեր

Այսօր Հայաստանում թմրավաճառ լինելն ավելի անվտանգ է, քան ընդդիմադիր գործիչ լինելը․ Սամվել Հակոբյան 

«Ժողովրդավարության հետընթացի ձևակերպմանը կարող էինք նաև շատ գիտական տեսանկյունից անդրադառնալ։ Ի՞նչ է ժողովրդավարությունը։ Նիկոլ Փաշինյանի սիրած՝ ժողովրդավարության ամենակարևոր հանգամանքներից մեկը արդար ընտրություններն են։ Եթե համեմատություն...

Ադրբեջանը ՆԱՏՕ-ի հուսալի գործընկերն է. Հաջիև

Ադրբեջանը ՆԱՏՕ-ի հուսալի գործընկերն է. Հաջիև

Ադրբեջանի նախագահի օգնական  Հիքմեթ Հաջիևը հանդիպում է ունեցել ՆԱՏՕ-ի անդամ երկրների մշտական ներկայացուցիչների տեղակալների կոմիտեի հետ։ Ինչպես հայտնում է ԱՊԱ-ն, այս մասին Հիքմեթ Հաջիևը գրել է X սոցիալական ցանցի իր էջում։ Նրա խոսքով՝ ՆԱՏՕ–Ադրբեջան ձևաչափով հանդիպումը...

Թող իրենք մտածեն իրենց կատարած թալանի մասին․ Լիդյա Մանթաշյանը՝ իշխանությանը

«Աշխարհի ցանկացած երկրում լինում են քաղաքական գործեր, բայց այս մասշտաբի հետապնդումներ, բացի ավտորիտար երկրներից, ոչ մի տեղ չենք տեսել։ Հիմա, օրինակ, եթե վերցնենք «Ուժեղ Հայաստանը», այնքան շատ են քաղբանտարկյալները, որ միայն առաջնորդներին...

Մարդը արյունահոսում է, նրան պատշաճ բուժօգնություն չի ցուցաբերվում․ փաստաբանը՝ ՔԿՀ պայմանների մասին 

  «Ունեմ մի պաշտպանյալ՝ Արթուր Վարդանյանը, որի առողջական խնդիրների մասին բազմիցս բարձրաձայնել և անդրադարձել եմ։ Նա չափազանց լուրջ առողջական խնդիրներ ունի, սակայն համապատասխան մարմինների կողմից գործուն քայլեր չեն ձեռնարկվում։ Երբ իմ...

Ինչ է կատարվում Սպիտակում ընտրություններից առաջ. «Արմլուր»

Ինչ է կատարվում Սպիտակում ընտրություններից առաջ. «Արմլուր»

Ընտրական հանձնաժողովը պահանջում է «Քաղաքացիական պայմանագրի» թեկնածու Քաջայր Նիկողոսյանին դուրս թողնել համայնքապետի ընտրություններից: ArmLur.am-ը գրել էր, որ նոյեմբերի 29-ին Սպիտակի ավագանու ընտրություններ են և Նիկողոսյանի դեմ են դուրս եկել նրա ենթակաները՝ «Բարոյական...