«Երբ իմ գործընկերներն ասում են, որ չենք հավատում ձեր հրապարակած ձայնագրություններին, կա շատ պարզ օրինակ․ դուք մի ամբողջ պատերազմ եք կեղծել, ձայնագրությունն ի՞նչ է, որ չկեղծեք»,- խորհրդարանի ամբիոնից հայտարարեց «Հայաստան» խմբակցության պատգամավոր Ագնեսա Խամոյանը։
Այնուհետև խոսեց հանցավորության մակարդակից և դիմելով ՆԳ նախարարի տեղակալ Արմեն Մկրտչյանին՝ Ասաց․
«Պարոն Մկրտչյան, երբ դուք ասում եք որ նոր ռազմավարություն է մշակել ոստիկանությունը հանցագործությունների դեմ պայքարի, հավատացեք ես էդ ռազմավարությունը սեփական մաշկիս վրա զգացել եմ․ մեկ ամսվա ընթացում երկու անգամ իմ մեքենայի կողային հայելիները գողացել են։ Բայց ես չեմ ուզում խոսել իմ մասին։ Ես իմ օրինակով ուզում եմ խոսել մեր էն հարյուրավոր, հազարավոր քաղաքացիների մասին, որոնք պարբերաբար դառնում են էդ գողերի զոհը։ Երբ դուք վիճակագրություն եք հրապարակում, որ հանցագործությունների թիվն այդքան չէ, որքան նկարագրվում է, գիտե՞ք ինչու է այդպես․ մարդիկ պարզապես հաղորդում չեն ներկայացնում ոստիկանությունը։ Ես մի դեպքում ներկայացրել եմ հաղորդում, մի դեպքում չեմ ներկայացրել։
6 տարվա ընթացքում հանցագործություններն աճել են 60 տոկոսով։ Երբ մենք ասում ենք, որ էդ պրոֆեսիոնալիզմը, որ ոստիկանութունը ցուցաբերում է քաղաքական գործերով, քաղաքական ընդդիմադիրների մասով, եթե ցուցաբերի իրական հանցագործների իրական հանցագործությունները բացահայտելու մասով, մենք չենք ունենա էս պատկերը, դրա՛ մասին է մեր հարցադրումը։ Երեկ, երբ Գյումրիում ահռելի քանակի ոստիկանական ուժեր էին, իսկ Երևանում ծեծում էին ընդդիմադիր ակտիվիստին, իր բնակարանում հայտնաբերվել է 23-ամյա չեչենուհու մարմինը։ Դրանից մեկ շաբաթ առաջ ակնհայտորեն կամ հրապարակումներն այդպիսին էին, որ հոգեկան շեղումներով մեկը չգիտեմ որտեղից ձեռք է բերել զենք և 4 քաղաքացու գնդակահարել է․ ո՞րտեղից էդ զենքը։
Երբ ցույց էին տալիս մեր ուժայինների, պատկան մարմինների ձեռքբերումները, որ դրոնով գաղտնալսումներ են անում, ձեզ հարց եմ տալիս, էդ դրոնը ո՞րտեղ էր, որ ընդդիամդիր համայնքապետի սպանությունն էին նախապատրաստում և սպանում էին։ Էդ դրոնը ո՞րտեղ էր։ Իշխանությունը պաշտպանված է, Նիկոլը Փաշինյանն էսօր ՀՀ ամենապաշտպանված մարդն է, բայց մեր հազարավոր քաղաքացիներ անտերության են մատնված»։
Ելույթն ամբողջությամբ՝ տեսանյութում։
