Բորիս Մուրազին ֆեյսբուքյան իր էջում գրում է․
Առավոտյան ընկերներս ինձ ուղարկեցին ազնվագույն հայ հոգևորական, խղճի բանտարկյալ Գերաշնորհ Տ. Միքայել Արքեպիսկոպոս Աջապահյանի նամակը բանտից, որում նվաստս Սրբազանի օրհնությանը էր արժանացել։ Երկար էի մտածում, թե ինչպես արձագանքեմ այն պատվին, որ ինձ արժանացրել է բանտված, բայց ամենաազատ և խոնարհման արժանի՝ Աստծո ճշմարտությունը տարածող ուսուցիչը։
Ես՝ Բորիս Մուրազիս, խորին երախտագիտությամբ և որդիական խոնարհությամբ եմ ընդունում Ձեր օրհնությունը։ Ձեր յուրաքանչյուր խոսք պարտավորեցնում է մեզ շարունակել պայքարը՝ ոչ թե ատելությամբ, այլ հավատքով ու արժանապատվությամբ, պաշտպանելու այն արժեքները, որոնց համար Դուք այսօր անազատության մեջ եք։
Ձեր նման հոգևոր հայրերն են, որ մեզ մոտեցնում են Աստծո ճշմարտությանը։ Սրբազան հայր, ինձ համար Ձեր խոսքը նույնքան ուժ և ազդեցություն ունի, որքան մեր հավատի հայրերից Շեխ Հասան իբն Շեյխ Ադիի դարերի խորքից եկող պատգամները։
Աստված թող պահպանի Ձեզ, զորացնի Ձեր ոգին և շուտափույթ վերադարձնի Ձեզ ձեր հոտին։
«Եղբայրնե՛ր, չարչարանքների եւ համբերության որպես օրինակ ունեցեք մարգարեներին, որոնք խոսեցին Տիրոջ անունով»։
Հակոբոս 5:10
Խոնարհաբար համբուրում եմ Ձեր աջը։
Բորիս Մուրազի
