Ռուսաստանը, Իրանը և Ադրբեջանը պայմանավորվել են ավտոմոբիլային փոխադրումների հարցով համատեղ աշխատանքային խումբ ստեղծել: Ինչպես հաղորդում են լրատվականները՝ այս մասին նշված է կառավարությունների ներկայացուցիչների եռակողմ հանդիպման ամփոփիչ հաղորդագրության մեջ։
Փաստաթղթի համաձայն, աշխատանքային խմբում կընդգրկվեն երեք երկրների մաքսային, սահմանային և տրանսպորտային գերատեսչությունների ներկայացուցիչները։
Բացի այդ, կողմերը կարևորել են «Հյուսիս-Հարավ» միջազգային տրանսպորտային միջանցքով բեռնափոխադրումների ծավալը մեծացնելու անհրաժեշտությունը։
