«Ես էլ ի վիճակի չեմ արդեն, իմ վիշտը, իմ ցավը այնքան մեծ է։ Այն կկվի օրն եմ ընկել, որ ձագերին տանում, մեկ-մեկ ուտում են, հիմա վերջինը մնացել է, ընկել են այդ երեխայիս հետևից»,- գլխավոր դատախազության դիմաց բողոքի ակցիայի ժամանակ ասաց տիկին Մարիամը, ում որդին զոհվել է 44-օրյա պատերազմում, թոռը՝ Սարգիս Ղուկասյանը, անհետ կորել։
Իսկ այժմ կալանավորված է մյուս որդին՝ Արսեն Ղուկասյանը՝ անհետ կորածների հարազատների բողոքի ակցիայի մասնակցությունից հետո։
«Մի անգամ ընդունարում վարչապետ չեղած ինձ ասում է՝ պիտի տղիդ վրա գործ հարուցեմ, որ խելքը գլուխը գա։ Ասում եմ՝ դու իմ նման ծնողին, որ երկու կորուստ ունեմ, այդպիս բա՞ն ես ասում, անհարմար չէ՞։ Վիճել եմ ու դուրս եմ եկել իր ընդունարանից»,- ասաց տիկին Մարիամը։
Մանրամասն՝ տեսանյութում։
