ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Երկու ամիս առաջ ահազանգել էի, որ Աշոցք համայնքի Թորոսգյուղ բնակավայրում գայլերը հոշոտել են գյուղացիների ոչխարներին։ Ահազանգից անմիջապես հետո գրավոր դիմել էի ինչպես Աշոցքի համայնքապետարանին, այնպես էլ Շիրակի մարզպետին և Տարածքային կառավարման և ենթակառուցվածքների նախարարությանը։
Օրերս ստացա Շիրակի մարզպետից պատասխան, որն ուղղակիորեն խայտառակություն կարելի է անվանել։ Պատասխանի համաձայն՝ հարցն իբր քննարկվել է Աշոցքի համայնքապետարանի ընդլայնված խորհրդակցության ժամանակ, և դրա լուծման առաջարկվող տարբերակներն ուղղակի զավեշտալի են։
Գյուղացիներին առաջարկվել է՝
-հորդորել ամրացնել գոմերը,
-հարակից տարածքներում անցկացնեն փշեր և ցանցեր։
Ահա սա է պետական մոտեցումը գյուղական համայնքի բնակչի խնդիրներին։ Փոխանակ ձեռնարկվեն կանխարգելիչ և աջակցող իրական քայլեր՝ գյուղացիներին առաջարկում են պայքարել գայլերի դեմ սեփական միջոցներով՝ փշերով ու ցանցերով։
Այս իրավիճակը ևս մեկ անգամ ցույց է տալիս՝ քանի դեռ կառավարական կառույցները միայն ձևացնում են, թե արձագանքում են, իրական խնդիրները շարունակում են խորանալ։ Գյուղացու անվտանգությունը, գույքի պաշտպանությունը և ապրուստի միջոցը չպետք է դրվեն հեգնական առաջարկների հույսին։
Կրկին կոչ եմ անում՝ ՏԿԵ նախարարությանը, մարզային և համայնքային իշխանություններին՝
-անհապաղ վերանայել մոտեցումները,
-իրականացնել վերահսկողական աշխատանքներ,
-ու սկսել գործել՝ ոչ թե միայն արձագանքել։
Գյուղացու կողքին կանգնելը ձեր պարտականությունն է, ոչ՝ ցանկության հարց»։
Արցախի անկախությունը պատմության փոշիների տակ թաղված չէ. այն մեր ազգային օրակարգում պետք է մնա. Արամ Վեհափառ
Մեծի Տանն Կիլիկիո կաթողիկոս Արամ Ա-ն Արցախի Հանրապետության հռչակման 35-ամյակի առթիվ ողերձ է հղել։ «Ազգեր անցեալին կը նային, անցեալի իրագործումներով կը հպարտանան, անցեալի թերութիւններուն կը գիտակցին, սակայն միշտ ապագան աւելի ամուր հիմերու վրայ կերտելու գիտակցութեամբ,...
